Qeveria e Kosovës, në mbledhjen e mbajtur në fund të vitit 2021, ka miratuar projektligjin e Ministrisë së Drejtësisë, i cili kërkon edhe nga mjekët e licencuar dhe profesorët universitarë ta bëjnë deklarimin e pasurisë, shkruan InLajmi.
E pas kësaj u përmend po ashtu se pasurinë duhet ta deklarojnë edhe zyrtarët policorë, zyrtarët e lartë të Administratës Tatimore të Kosovës dhe ata të Doganës.
Por se a duhet ta deklarojnë pasurinë edhe qytetarët e vendit, lajm ky që së fundmi po diskutohet në opinion, profesori universitar në një prononcim për Gazetën InLajmi ka thënë se kjo është një çështje problematike.
“Nuk kam shumë informata, por në parim është që Qeveria ka mekanizma të dijë se sa pare i kemi edhe përmes Agjencisë tatimore dhe shërbimeve inteligjente. Nuk po e di se përse duhet të bëhet zhurmë për një mekanizëm që ekziston. Është logjike që po i bie me i shti hundët në kuleta apo xhepat e qytetarëve”,tha Krasniqi për Gazetën InLajmi.
Tutje, ai deklaroi se janë disa kategori të veçanta ku duhet të shikohet a paguhen tatime.
“Qytetarët ta deklarojnë pasurinë është ëmë shumë kureshtje e tepruar që mund të jetë mungesë e njohurisë më shumë e kësaj qeverisje”,tha më tej Krasniqi./InLajmi/
