Zëvendëspresidentja e Shteteve të Bashkuara të Amerikës, Kamala Harris, ka deklaruar se efekti parandalues i sanksioneve “ka ende merita” dhe SHBA “do të rivlerësojë nevojën që ka Ukraina” në ditët në vijim.
Ajo para gazetarëve ka thënë se pas kthimit të saj në SHBA, do të marrë pjesë në takimin e Këshillit të Sigurisë Kombëtare për Ukrainën, me Presidentin Joe Biden.
Përveç kësaj, Harris shpalli një sërë sanksionesh kundër Rusisë, të cilat ajo i quajti “disa nga sanksionet më të mëdha, nëse jo më të fortat që kemi lëshuar ndonjëherë”.
“I drejtohet institucioneve dhe institucioneve të veçanta financiare dhe individëve dhe do të shkaktojë dëm absolut për pjesën tjetër të ekonomisë.Sanksionet janë produkt jo vetëm i perspektivës sonë si Shtetet e Bashkuara, por një perspektivë e përbashkët mes aleatëve tanë, dhe marrëdhënia aleate është e tillë që ne kemi rënë dakord që efekti parandalues i këtyre sanksioneve është ende kuptimplotë. Ende shpresoj se ka një rrugë diplomatike për të dalë nga ky moment”, tha ajo, raporton CNN.
Në fjalimin e saj në konferencë të shtunën, Harris premtoi kosto ekonomike “të rëndësishme dhe të paprecedentë” për Rusinë nëse pushton Ukrainën, transmeton lajmi.net
Megjithatë, Zelensky u kërkoi udhëheqësve globalë që të bëjnë publike sanksionet kundër Rusisë përpara se të ndodhë një pushtim i mundshëm i Ukrainës.
