Kryetari i Skënderajt, Fadil Nura, ka publikuar disa fotografi ku shihet se kabllovt metalike të transparentit me fotografi të Thaçit e Veselit me mbishkrimin “Liria ka emër”, janë këputur, përcjell InLajmi.
Sipas Nurës këtë kabllo metalike me fotografi të ish-krerëve të UÇK-së, janë prerë qëllimisht nga dikush, duke thënë se e vërteta po e pengon dikë.
Ai thotë se përgjegjësit për këtë akt, gjendjen jashtë kufijve apo më saktë në Serbi.
Tutje ai i ka bërë thirrje policisë të merren me këtë rast.
Postimi i plotë i tij:
Të dashur qytetarë!
Një akt i tillë si ky i prerjes së qëllimshme të kabllove metalike të transparentit me fotografi të Thaçit e Veselit me mbishkrimin “Liria ka emër”, është i papranueshëm dhe tepër i ulët.
Dikënd po e pengon e vërteta.
Historia nuk mund të rishkruhet me veprime të tilla.
Drenica nuk i harron bijtë e saj.
Një veprim i tillë ka veç një adresë e cila gjendet jashtë kufijve, ndërsa ekzekutorët duhet t’i gjejë policia, që tashme po merret me rastin./InLajmi/
