Frenkie De Jong nuk e ka pritur mirë largimin e Leo Messit nga Barcelona.
Mesfushori holandez u trondit, pasi ishte i bindur që do të qëndronte edhe pse kishte shumë lajme për mundësinë e largimit.
“Messi ishte lojtari që na përfaqësonte të gjithëve dhe ishte imazh për Barcelonën dhe kur u largua, pas gjithë asaj që kishte bërë për klubin ishte një goditje e rëndë. Ende na mungon Messi, pasi nëse dikush me prestigjin e tij nuk është më, atëherë situatat ndryshojnë’’, tha ai.
De Jong ka treguar se si e mëro vesh që Messi u largua nga Barcelona, i cili fillimisht nuk besoi.
‘’Si e mësova se do të largohej nga Barça? Po prisja vëllain dhe babain në aeroport dhe më vjen një mesazh që Messi do të largohet nga klubi. Në fillim nuk e besova, por me kalimin e minutave më erdhën shumë indicie se gjithçka ishte e vërtetë’’, tha ai, transmeton Indeksonline.
Tutje ai ka thënë se është e pamundur nga ana e tij që kjo të besohet, edhe pse kishte shumë zëra gjatë të gjithë merkatos, ai tha se nuk i mori kurrë seriozisht.
