I pranishëm në një miting në Kamëz, në kuadër të zgjedhjeve vendore, kreu i Partisë Demokratike ka bërë një krahasim me situatën politike dhe institucionale të Kosovës, sipas tij, shumë herë më e mirë sesa në Shqipëri.
“Nuk jemi në një gjendje normale, në një vend normal as me standardet e Ballkanit. Jemi larg standardeve të Kosovës. Edhe sa i takon pluralizmit, edhe sa i takon demokracisë, edhe sa i takon sundimit të ligjit, luftës kundër korrupsionit, rolit të krimit dhe ndëshkimit të krimit. Na duket Kosova si me qenë një vend i Bashkimit Evropian, krahasuar me standardet ku ja përfunduar Shqipëria me Edi Ramën”, tha ai, shkruan A2CNN.
Kreu i PD-së foli për temën e aktualitetit, atë të inceneratorëve, duke kërkuar dorëheqjen e Ramës në një tjetër vend do të ishte dorëhequr për shumë më pak”, por edhe për domosdoshmërinë dekomunistizimit në institucionet e shtetit, duke mbështetur vetingun e politikanëve dhe zyrtarëve që kane patur lidhje me regjimin e dikurshëm.
