Vite më parë, blerja e veshjeve të përdorura nuk ishte asgjë për t’u krenuar, transmeton InLajmi.
Nëse dikush blinte veshje të përdorura, shumica do të supozonin se thjesht nuk mund të përballonin çmimet e rrobave të reja. Megjithatë, vitet e fundit, blerja e rrëbave të dorës së 2-të është bërë një trend popullor në modë.
Faqet e internetit që lejojnë përdoruesit të blejnë dhe shesin veshje të përdorura janë shfaqur në të gjithë internetin. Poshmark dhe Depop janë 2 nga tregjet më të njohura në internet për rroba dhe aksesorë të përdorur. Popullariteti i ri i tregut të veshjeve të përdorura ka krijuar një mundësi të madhe për blerësit e modës që të kenë një ndikim pozitiv mbi veten, planetin dhe shoqërinë në përgjithësi.
Megjithatë, ka 5 arsye super bindëse pse duhet të blini rroba të përdorura:
Janë më të lira
Ju mund ta gjeni fustanin e ëndrrave në një dyqan stilisti dhe të mos jeni në gjendje ta përballoni atë. Por rrobat e përdorura, madje edhe ato të stilistëve, janë më pak të shtrenjta se artikujt e rinj të të njëjtit lloj. Për arsye të dukshme.
Ato qëndrojnë më gjatë
Kur blini veshje të përdorura me cilësi të mirë, gjasat janë që ato t’ju zgjasin për një kohë të gjatë (me kujdesin e duhur).
Deri pak vite më parë, rrobat ndërtoheshin për të qenë të qëndrueshm.. Por me kulturën e vjetërsimit të integruar dhe modës së shpejtë që po pushton, rrobat, në pjesën më të madhe, janë bërë pothuajse pa kualitet.
Ju po ndihmoni në zvogëlimin e ngarkesës në deponitë
Vendet e ndryshme prodhojnë 14.3 milionë tonë mbetje tekstili në vit. Amerikani mesatar hedh rreth 65 paund veshje dhe shtroje, që përbën gati 6% të të gjitha mbeturinave.
Shumë prej tyre janë në fakt në gjendje të mirë dhe mund të përdoren për shumë më gjatë, shkruan Bellatory.com.
Stili juaj duket më autentik
Një avantazh tjetër i blerjes së veshjeve të përdorura është se do të gjeni pjesë të një lloji që askush tjetër nuk i ka. /InLajmi/
