Një aksident trafiku ka ndodhur në rrugën Pejë-Gjakovë, ku edhe është aksidentuar një këmbësor, përcjell InLajmi.
Lajmin për aksidentin e ka bërë të ditur për gazetën InLajmi zëdhënësi i Policisë për rajonin e Gjakovës, Nustret Gjurkaj, i cili njoftoi se vozitësja në rrugën “Pashko Vasa” e ka goditur këmbësorin, mirëpo ajo është ndalur dhe i ka dhënë ndihmën e parë.
Ndërsa i aksidentuari është dërguar në Spitalin Rajonal në Gjakovë dhe sipas mjekut kujdestar ai ka marrë lëndime në këmbë, kryesisht frakturë në këmbën e majtë.
Lidhur me rastin është njoftuar edhe prokurori kujdestar dhe me urdhër të tij rasti është duke shkuar në procedurë të rregullt.
Njoftimi i plotë nga Policia e Kosovës:
Me datë 20.02.2022 rreth orës11:00 ne Rr.”Pashko Vasa” ne Gjakovë ka ndodhë aksident komunikacioni. Deri te aksidenti ka ardhur , derisa vozitrseja kishte qene duke drejtuar automjetin përgjatë rrugës Peje –Gjakove dhe me te arritur ne hyrje te qytetit te Gjakovës pikërisht ne rrugën P. Vasa, pa pritmas me pjesën e parme te anës se djathte e godet kembësorin, pas goditje e dyshuara ndalet dhe i kishte dhen ndihmën e nevojshme mjekesore. Për shkak te lëndimeve dërgohet ne spital dhe sipas mjekut kujdestar ne emergjencën e Spitalit rajonal Gjakovë, viktima kishte frakture ne këmben e majte.Lidhur pe rastin është njoftuar prokurori kujdestar , dhe me urdhër te tij rasti shkon ne procedur te rregullt. /InLajmi/
