Zlatan Ibrahimoviq konfirmoi se së shpejti do të rikthehet në aksion dhe dha disa sugjerime për të ardhmen e tij.
Kontrata e sulmuesit 40-vjeçar skadon me Milanin në fund të këtij sezoni, por atij do t’i ofrohet një rinovim i kontratës edhe për një vit nëse ai dëshiron të vazhdojë aventurën e tij me kuqezinjtë. Ai ka qenë një figurë e rëndësishme në skuadrën e Stefano Piolit, duke qenë pikë referimi dhe lider me përvojë në dhomat e zhveshjes.
Duke folur për Radio 105, Ibrahimoviq fillimisht diskutoi gjendjen e tij fizike dhe se kur do të kthehet në aksion, shkruan footballitalia
“Nëse do të kthehem së shpejti? Kjo është e sigurt. Kam besim në gjithçka që bëj. Se sa larg do të shkoj nuk e di, por gjithmonë përpiqem. Pse të jesh normal kur mund të jesh më i fortë?”
Ish-sulmuesi i Paris Saint-Germain dhe LA Galaxy foli më pas për të ardhmen e tij, duke konfirmuar dëshirën e tij për të vazhduar të luajë.
“Le të shohim për të ardhmen. Jam kurioz për disa gjëra, si të bëhem aktor…. Diçka që më jep adrenalinë. Por asgjë nuk do të jetë si futbolli. Do të më duhet të bëj një ndryshim”.
“Kam shumë projekte, por për momentin fokusi im është të jem futbollist. Kur të kthehem do të rrëzoj të gjithë stadiumin”.
Ai preku mundësinë për të fituar Scudetton këtë sezon me Milanin.
“Nëse do të fitoja me këtë ekip, do të më jepte më shumë kënaqësi se 10 vjet më parë”.
Së fundi, Ibrahimovic diskutoi nëse ai po mendon të largohet së shpejti.
“Është Ibra ai që vendos se kur të ndalet. Shumë njerëz vazhdojnë të më thërrasin të mbaruar, por më motivojnë edhe më shumë”,tha ai, transmeton Klankosova.tv.
Ibrahimoviq ka shënuar 8-të gola dhe ka dhënë 2 asistime në 15 paraqitje në Serie A këtë sezon.
