Anëtarja e PSD-së, Teuta Rrusta ka thënë se vetëm pas publikimit të vendimit për rritjen e energjisë elektrike nga ZRRE-ja e kanë kuptuar se cila ishte arsyeja pse nuk donin ta publikonin vendimin, përcjell InLajmi.
E sipas saj ky vendim ishte skandaloz dhe se ZRRE tentoi të shiste propaganda.
Rrustemi tha se vetëm me protestat e PSD-së, u publikua ky vendim, ku sipas saj është mashtrim i ZRRE-së dhe Qeverisë së Kosovës.
Postimi i plotë i saj:
PROTESTA JONË SHFAQI MASHTRIMIN E TYRE
E vërtetoi ZRRE-ja. Vendimi për rritjen e çmimit të rrymës u publikua. Çmimi është rritur për të gjithë. Për ata që shpenzojnë deri në 800 kWh rritja është 21%. Për ata që shpenzojnë mbi 800kWh, tarifa e lartë është rritur për 211.11% ndërsa e ulëta për 211.4%.
Tash po e kuptojmë se pse tentuan të kalojnë pa e publikuar vendimin. Sepse vendimi është shumë më skandaloz se që u tentua të na shitej nga propaganda.
Prandaj vetëm pas protestës tonë te zyrat e ZRRE-së, dhunës policore ndaj aktivistëve dhe arrestimit dhe mbajtjes për 3 ditë në burg i 6 aktivistëve, qeveria dhe ZRRE u detyruan që të publikojnë mashtrimin e tyre.
Mobilizimi qytetar po ka efekt. Ne e frenuam një vendim te dëmshëm, por nuk e kemi ndalur plotësisht. Prandaj përpjekjet duhet të jenë të përditshme dhe të përbashkëta.
PS: Shpërndajeni sa më shumë këtë ilustrim që tregon infot që qeveria do që t’i fsheh./InLajmi/
