Ambasadorja e SHBA-së në Kombet e Bashkuara, Linda Thomas-Greenfield, tha të enjten se “qëllimet e Rusisë janë shumë të qarta” me Ukrainën, disa orë pasi Sekretari i Shtetit Antony Blinken i tha Këshillit të Sigurimit të OKB-së në një takim të tensionuar se Moska po krijonte bazat për të justifikuar fillimin e një lufte dhe duke u përgatitur për të nisë një sulm ndaj Ukrainës në ditët në vijim.
“Ju e dini që ne patëm një takim të Këshillit të Sigurimit sot dhe sekretari Blinken e pyeti hapur homologun tonë rus: “Na thuaj këtu, në Këshill të Sigurimit, se ju nuk keni ndërmend të pushtoni”, dhe ata nuk e bënë këtë. Kështu që qëllimet e tyre janë shumë të qarta.
Këto Ambasadorja e OKB-së Linda Thomas-Greenfield i tha Erin Burnett të CNN në “OutFront”.
“Kur ta bëjnë këtë, do të jetë vendimi i tyre. Por ne duhet të jemi gati kur të ndodhë”, shtoi ajo transmeton arbresh.info.
Shtetet e Bashkuara thonë se provat në kufirin e Ukrainës tregojnë se Rusia “po lëviz drejt një pushtimi të afërt” dhe nuk po tërheq trupat, pavarësisht pretendimeve të Moskës. Në takimin e OKB-së të enjten, Blinken detajoi inteligjencën amerikane në lidhje me përpjekjet e Rusisë për të fabrikuar një pretekst për një pushtim në një përpjekje për të “ndikuar Rusinë që të braktisë rrugën e luftës dhe të zgjedhë një rrugë tjetër ndërsa ka ende kohë”.
