Ministria e Punëve të Jashtme dhe Diasporës në bashkëpunim me Ministrinë për Evropë dhe Punë të Jashtme të Shqipërisë kanë organizuar një konkurs për fotografi “Colours of Albanians 2022”, i cili është përmbyllur me ndarjen e 10 çmimeve fituese, raporton InLajmi.
Ministri i Kulturës, Harjulla Çeku, tha se arti në përgjithësi ka tipare të rëndësishme të historisë së identitetit tonë.
“Besoj përmes artit shënon tipare të rëndësishme të historisë së identitetit tonë. Diçka që ka filluar në Shqipëri dhe po bëhet si e përbashkët. Po ndodh me shpalljen e fotografive më të mira. Ju uroj ditën e pavarësisë” tha Çeku.
Siç tregon zëvendësministrja e Punëve të Jashtme, Liza Gashi, në këtë konkurs kanë qenë 500 fotografi.
“Është nder të ndajmë këtë konkurs të përbashkët por nuk do të jetë i fundit. Synojmë të ofrojmë komunitetin tonë përmes peizazheve. Kemi mbledhur mbi 500 fotografi. Duhet të gjejmë alternativa të ndryshme. Kemi pasur numër të madh të sportistëve e artistëve që kanë aplikuar”, tha ajo.
Megi Fino, Zëvendësministren për Evropë dhe Punë të Jashtme të Republikës së Shqipërisë, tha se këtë bit risi e këtij konkursi ka qenë bashkëpunimi me Kosovën.
“Është kënaqësi të jem në përmbylljen e këtij konkursi. Risia e këtij konkursi është bashkëpunimi me Kosovën. Tregon se edhe pas kohërave të vështira ngjyrat e Shqipërisë dhe Kosovën nuk u shuan. Në çdo foto secila pjesë na paraqet rigjallërimin. Një ndër urat lidhëse janë ambasadorët. Të gjithë ata persona që morën pjesë dërguan foto. Për një sërë vendesh ju keni lobuar. Gjuha e artit është ajo që na ka bashkuar sot. Jam e lumtur për bashkëpunimin ndërmjet dy ministrive nga i cili na u tregua se kemi njerëz të mirë në shpirt”, tha ajo./InLajmi/
