Kryeministri i Kosovës, Albin Kurti ka zhvilluar një takim me ambasadorin e Norvegjisë Jens Erik Grøndahl, përcjell InLajmi.
Gjatë takimit u bisedua për zhvillimin ekonomik dhe reformën në drejtësi si dhe për situatën në rajon dhe bashkëpunimin rajonal mes vendeve të Ballkanit Perëndimor, në fushat me interes të përbashkët.
Kryeministri Kurti i shprehu mirënjohje ambasadorit, për mbështetjen që i ka dhënë Norvegjia vazhdimisht Kosovës.
Në fund kryeministri dhe ambasadori shprehën gatishmërinë për të thelluar bashkëpunimin dhe marrëdhëniet mes 2 vendeve.
Postimi i plotë nga Zyra për Komunikim Publik:
Kryeministri i Republikës së Kosovës, z. Albin Kurti, sot priti në takim ambasadorin e Norvegjisë, z. Jens Erik Grøndahl.
Në këtë takim, Kryeministri Kurti shprehu mirënjohjen e Qeverisë për mbështetjen e vazhdueshme që shteti i Norvegjisë ia ka dhënë Republikës së Kosovës.
U bisedua për prioritetet e Qeverisë për zhvillim ekonomik dhe reformë në drejtësi. Kryeministri Kurti e njoftoi ambasadorin për ecurinë e reformave të nisura, duke theksuar përkushtimin e Qeverisë së Republikës së Kosovës për qeverisje të mirë. U bisedua edhe për situatën në rajon dhe bashkëpunimin rajonal mes vendeve të Ballkanit Perëndimor në fushat me interes të përbashkët.
Kryeministri dhe ambasadori shprehën gatishmërinë për të vazhduar bashkëpunimin dhe për t’i thelluar më tej marrëdhëniet mes 2 vendeve. /InLajmi/
