Kryetari i Komunës së Prizrenit, Shaqir Totaj, ka bërë të ditur se në Shtëpinë e Kulturës “Xhemajli Berisha” është mbajtur një aktivitet artistik i shkollave të mesme të larta për poezi, prozë e pikturë, në nder të 14 vjetorit të Pavarësisë së Kosovës, përcjell InLajmi.
Totaj është shprehur i kënaqur për mbajtjen e këtij aktiviteti, teksa ka thënë se e ka shijuar interpretimin e tyre.
Me këtë rast Totaj ka thënë se festa të tilla do të jenë gjithmonë me aktivitete në mënyrë që qytetarët e kësaj komune të mbushen me energji pozitive dhe atmosferë festive.
Postimi i plotë i tij:
Në Shtëpinë e Kulturës “Xhemajli Berisha”, për nder të 14 vjetorit të Pavarësisë së Republikës së Kosovës, është mbajtur aktiviteti artistik i shkollave të mesme të larta, në formë gare në poezi, prozë e pikturë.
Ishte kënaqësi e veçantë të dëgjoja tek recitonin, interpretonin e të shijoja pikturat e talentëve të rinjë të qytetit tonë. Unë dhe gjithë publiku u impresionuam dhe duartrokitëm nxënësit e talentuar që premtojnë shumë.
Ditët e festës do të jenë të mbushura me aktvitete kulturore, artistike e sportive, sepse duam të ju ofrojmë qytetarëve të Komunës së Prizrenit energji pozitive dhe atmosferë festive.
Gëzuar!/InLajmi/
