Pas urimit të presidentit italian, Sergio Mattarella, në nder të 14 vjetorit të pavarësisë, presidentja e Kosovës, Vjosa Osmani, ka thënë se Kosova gëzon raporte të shkëlqyera me Italinë, përcjell InLajmi.
Osmani është shprehur e lumtur për përkushtimin e vazhdueshëm të Italisë për vendin tonë në afrimin drejt Bashkimit Evropian.
Postimi i plotë i saj:
Republika jonë gëzon raporte të shkëlqyera me Italinë dhe kjo konfirmohet edhe në letrën e urimit me rastin e 17 shkurtit të dërguar nga Presidenti Sergio Mattarella.
E lumtur të shoh përkushtimin e vazhdueshëm të miqve tanë në Itali për ta afruar Kosovën dhe qytetarët e saj, e në veçanti të rinjtë tanë, gjithnjë e më afër familjes evropiane.
Kosova i gëzohet bashkëpunimit tonë të mirë dhe do të punojmë fort, bashkë me ju që së shpejti të jemi krah jush në strukturat euroatlantike./InLajmi/
