Është bërë inaugurimi i obeliskut “NEWBORN” në nderim të sakrificës dhe kontributit të punëtorëve ndër dekada, në shenjë nderimi për punonjësit shëndetësorë që humbën jetën në krye të detyrës për t’u dalë në ndihmë qytetarëve të vendit tonë, raporton InLajmi.
Ministri i Shëndetësisë së Kosovës, Rifat Latifi, një një fjalë rasti ka përkujtuar të gjithë mjekët të cilët humbën jetën gjatë detyrës së tyre në ndihmë të qytetarëve gjatë pandemisë Covid-19.
Ai tha se fati i mantel bardhëve është i lidhur gjithmonë me fatin e popullit.
‘’Dita e sotme në prag të ditës më hyjnore të përvjetorit të 14-të të Pavarësisë së Kosovës, është një moment për të kujtuar të gjithë mantelbardhët tanë gjatë luftës sonë çlirimtare duke u ofruar ndihmë popullit në ditët më të vështira që kemi pas’’, tha Latifi.
Ai tha se nderon heronjtë e pandemisë të cilët gjatë 2 viteve të fundit ranë në krye të detyrës për t’iu dalë në ndihmë qytetarëve tanë.
‘’Ky monument i ngritur për ta është vetëm një shenjë e vogël respekti përballë veprës së tyre të madhe’’, shtoi ai.
Latifi tha se humanizmi i rrallë i tyre është si frymëzim për neve që jemi këtu./InLajmi/
