Emisari Special i SHBA-së për Ballkanin Perëndimor, Gabriel Escobar, ka përmendur Qeverinë Kurti në raportimin e tij në Nënkomisionin për Evropën dhe Bashkëpunimin Rajonal të Sigurisë në kuadër Komisionit për Punë të Jashtme në Senatin amerikan.
Escobar me këtë rast ka deklaruar se Qeveria Kurti duhet të angazhohet plotësisht në dialog, e për këtë thotë se ambasadori i ri në Kosovë, Jeffrey Hovenier ua ka bërë të qartë se kërkohet kompromis.
“Presim nga Qeveria e Kosovës të angazhohen plotësisht në bisedimet e ndërmjetësuara nga BE-ja dhe t’i shohin ato si negociata të vërteta për të arritur qëllimin kryesor që është njohja e ndërsjellë me Serbinë, njohja nga 5 shtetet e BE-së që nuk e kanë njohur Kosovën dhe anëtarësimin në të gjitha organizatat ndërkombëtare që ata duan të anëtarësohen.
Poashtu ai tha se kjo do të kërkojë kompromis dhe se kjo është mjaft e qartë, përcjell Lajmi.net.
“Kjo do të kërkojë kompromis dhe ne kemi qenë shumë të qartë. Ambasadori ynë i ri, Jeff Hovenier, e ka bërë këtë shumë të qartë gjatë takimeve të tij të para me qeverinë (e kryeministrit Albin) Kurti dhe do të vazhdojë ta bëjë këtë”, tha ai.
