Presidentja e Republikës së Kosovës, Vjosa Osmani, me rastin e 17 Shkurtit, ditës së pavarësisë së shtetit, ka pranuar telegram urimi nga Kryetari i Presidencës së Bosnjës dhe Hercegovinës, Zeljko Komshiq, përcjell InLajmi.
“Të inkurajuar dhe të gëzuar me avancimin e marrëdhënieve mes 2 shteteve mike, jemi të bindur që rruga e bashkëpunimit ekonomik, politik dhe çdo lloj tjetër bashkëpunimi, sikur dhe e marrëdhënieve miqësore mes Bosnjës dhe Hercegovinës dhe Republikës së Kosovës, në të ardhmen e afërt, do të ketë rëndësi të posaçme për qytetarët e shteteve tona”, thuhet në telegramin e kryetarit Komshiq.
Më tej, në telegram, Komshiq thekson se Bosnja dhe Hercegovina dhe Republika e Kosovës i ndajnë prioritetet e tyre të përbashkëta strategjike të politikës së jashtme, siç janë anëtarësimi në NATO dhe Bashkim Evropian.
“Vetëm së bashku dhe në bashkëpunim me partnerët që i ndajnë vlerat e njëjta mund ta arrijmë qëllimin tonë”, thuhet në fund të telegramit të kryetarit Komshiq.
Telegrami i plotë i tij:
Shkëlqesi,
Juve dhe qytetarëve Tuaj, në emrin tim dhe në emrin e qytetarëve të Bosnjës dhe Hercegovinës, Ju uroj Ditën e pavarësisë së Republikës së Kosovës.
Të inkurajuar dhe të gëzuar me avancimin e marrëdhënieve mes dy shteteve mike, jemi të bindur që rruga e bashkëpunimit ekonomik, politik dhe çdo lloj tjetër bashkëpunimi, sikur dhe e marrëdhënieve miqësore mes Bosnjës dhe Hercegovinës dhe Republikës së Kosovës, në të ardhmen e afërt, do të ketë rendësi të posaçme për qytetarët e shteteve tona.
Bosnja dhe Hercegovina dhe Republika e Kosovës i ndajnë prioritetet e tyre të përbashkëta strategjike të politikës së jashtme, siç janë anëtarësimi në NATO dhe Bashkim Evropian. Vetëm së bashku dhe në bashkëpunim me partnerët që i ndajnë vlerat e njëjta mund ta arrijmë qëllimin tonë.
Shkëlqesia Juaj, pranoni konsideratat e mia më të larta (ose: nderimet e mia më të thella) dhe urimet e sinqerta për lumturinë Tuaj personale dhe të qytetarëve të vendit Tuaj.
Zhelko Komshiq (Željko Komšić)./InLajmi/
