Komiteti Olimpik i Kosovës ka njoftuar këtë të mërkurë se Albin Tahiri ka zënë vendin e 37-të në disiplinën e sllallomit në Lojërat Olimpike Dimërore Pekini 2022, përcjell InLajmi.
Skitari Kosovar ishte i 44-ti në lëshimin e parë, ndërsa në të 2-in bëri ngritje falë largimit nga shtegu të disa garuesve.
Ndërkohë, skitarët e Kosovës, Albin Tahiri dhe Kiana Kryeziu me sllallomin e sotëm përfundojnë të gjitha garat në Lojërat Olimpike Pekini 2022.
Njoftimi i plotë i Komitetit Olimpik të Kosovës:
Albin Tahiri ka zënë vendin e 37-të në disiplinën e sllallomit në Lojërat Olimpike Dimërore Pekini 2022.
Skitari ynë ishte i 44-ti në lëshimin e parë, ndërsa në të 2 bëri ngritje, falë edhe largimit nga shtegu të disa prej garuesve. Në total morën pjesë 88 garues, ndërsa të 2 lëshimet i përfunduan 45 sosh.
Koha e tij pas 2 lëshimeve ishte: 2 minuta e 02.94 sekonda.
Me sllallomin e sotëm, përfundojnë të gjitha garat për skitarët tanë, Albin Tahiri dhe Kiana Kryeziu, në LOD Pekini 2022.
Albini garoi në 4-ër disiplina. Në lëshim ishte i 35-ti, në kombinim alpin i 15-ti, në sllallom të madh i 30-ti. Kiana garoi në sllallom të madh dhe doli e 49-ta./InLajmi/
