Partia Socialdemokrate, ka dal më një vendim kundrejt draft-ligjit i cili u publikua mbi Ligjin e Pagave, përcjell InLajmi.
Ky ligj sipas tyre nuk do të duhej të miratohej, pasi që ky draft po i diskriminon disa kategori të punonjësve ky draft-ligj nuk po iu ndihmonë atyre që vertët kanë nevojë për ndihmë.
Ndërsa tutje është thënë së nësë ky ligj miratohet, atëher pas dorës do të mbesin vertët disa kategori që kanë nëvojë të ndihmohen nga shteti.
Njoftimi i plotë i Partisë Socialdemokrate:
Ky draft-ligj nuk bën të miratohet!
Drafti i publikuar mbi Ligjin e Pagave reflekton politikat e devijuara të Qeverisë. 2 gjëra e karakterizojnë atë: rritja e hendekut midis pozitave politike ekzekutive dhe stafit civil-profesional; dhe qasja konservatore dhe shtrënguese sa i përket nivelit të rritjes në një kohë inflacioni e krize sociale.
Stafi civil-profesional brenda administratës që përbënë 80% të punonjësve të administratës do të marrin rritje prej 10%; policia ka një rritje fyese e të pa përfillshme prej 7%. Punëtorët e arsimit 10%; ndërkohë që udhëheqësve të divizioneve të cilët me ligjin e ri do të bëhen njerëz me mandate, pra politik, do t’iu rritet paga me 50%; këshilltarët e lartë politik do të përfitojnë rritje prej 80%, ose rritje prej 576 eurosh; ligji i ka rritur pagat për mjekët specialist, por ka lënë padrejtësisht mbrapa infermierët; stafi teknik është lënë tërësisht anash pa asnjë rritje; ndërkaq kryeministrit i është rritur paga për 52% ose 780 euro më shumë; kurse zëvëndës ministrat sipas këtij drafti do të marrin rritje prej 37% ose 425 euro më shumë.
Ky draft e rrit pabarazinë dhe diskriminon punonjësit në nevojë. Ata që janë prekur më shumë nga rritja e çmimeve nuk ndihmohen ose ndihmohen fare pak. Ky draft nuk e adreson nevojën për rritjen e kërkesës agregate. Qeveritë gjithandej kanë rritur pagën minimale dhe nivelet e subvencionimeve. Ky draft i lë pas dore njerëzit që kanë më së shumti nevojë për shtetin. Ky draft nuk bën të miratohet. /InLajmi/
