Mijëra izraelitë kanë protestuar të hënën në Jerusalem kundër kufizimeve ndaj COVID-19.
Protestuesit mbajtën pankarta kundër vendosjes së maskës dhe kufizimeve tjera kundër pandemisë.
Ata përshkuan rrugën drejt godinës së Qeverisë, duke mbajtur në duar flamuj izraelitë.
Muajin e kaluar ka pasur ditë kur autoritetet në Izrael kanë regjistruar më shumë se 80.000 raste të infektimit me COVID. Prej asaj kohe, shkalla e infektimit ka rënë në gati 30.000 raste në ditë.
Kundër kufizimeve ndaj pandemisë është protestuar edhe në Kanada, Francë, Holandë, Zvicër, Australi dhe Zelandë të Re, transmeton euronews.al.
Shumica e shteteve të Evropës i kanë lehtësuar masat kundër virusit, me Danimarkën që u bë shteti i parë pa asnjë masë kundër COVID-19.
