Kreu i Partisë Demokratike të Kosovës, Memli Krasniqi, ka zgjedhur që për nder të 52 vjetorit të themelimit të Universitetit të Prishtinës “Hasan Prishtina”, të shpreh një mendim në lidhje më të, përcjell InLajmi.
Sipas tij kontibuti i profesorëve dhe i studenteve e ka sjellur deri në këtë pikë universitetin, pasi që pa marrë parasysh rrethanat në të cilat gjindjen vendi gjenin vullnet dhe kurajo të ecnin përpara, të ushqenin dijen.
Ndërsa tash pas kaq vitesh po vështirsohet puna në këtë drejtim, Krasniqi ka reaguar ashpër kundrejt qeverisë aktuale pasi sipas tij nuk po punohet në këtë drejtim, të rinjëve nuk po u mundësohet hapsirë për punësim.
Tutje Krasniqi është shprehur se qeveria e re e Kosovës nuk po arrinë të kuptojë rëndësinë që ka arsimi i lartë.
Postimi i plotë i tij:
Sot, 52 vite më parë, u hapën dyert e Universitetit të Prishtinës, e bashkë me të edhe dyert e materializimit të vizionit tonë intelektual e kombëtar për liri e pavarësi.
Që nga themelimi, Universiteti i Prishtinës përveç si agjens i edukimit e shkencës, ka qenë njëkohësisht themel i shumë lëvizjeve intelektuale e politike, studentore e qytetare që buronin nga ky vend formim intelektual, demokratik e vizionar.
Me rastin e shënimit të 52 vjetorit të themelimit të UP-së, kujtojmë me nderim të gjithë akademikët, profesorët dhe studentët ndër breza, që pavarësisht rrethanave të rënda nën ish regjimin jugosllav, e mbajtën mbi supe ngritjen dhe rrugëtimin e pakthyeshëm të këtij universiteti që është pjesë e historisë sonë kombëtare, si dhe të gjithë ata që kanë kontribuar në ngritjen e mëtejmë të tij, si vatër e dijes dhe emancipimit.
Njëkohësisht, shfrytëzoj rastin t’i uroj strukturat drejtuese të Universitetit të Prishtinës, profesorëve dhe studentëve, duke ju dëshiruar punë të mbarë e thellim të mëtejmë në reforma dhe avancim të UP-së.
Partia Demokratike e Kosovës i ka dhënë një shtyrje të fuqishme konsolidimit të Universitetit Publik “Hasan Prishtina”, duke rritur mbështetjen dhe stimulimin financiar për stafin akademik, duke fuqizuar pavarësinë funksionale, si dhe duke zgjeruar agjendën institucionale e akademike të këtij universiteti, krahas reformave dhe trendëve më të mira ndërkombëtare.
Sot, UP-së i duhet një agjendë për kërkimin dhe hulumtimin shkencor, financimin e qëndrueshëm dhe rritjen e përkushtimit për të garuar ndërkombëtarisht përballë konkurrencës përtej rajonale. Mbështetje për të tilla reforma e angazhim, do të duhej të kishte nga çdo qeveri, megjithëse fatkeqësisht një vizion të tillë nuk po e shohim nga qeveria aktuale, e cila qëndron larg nga kompetenca, dija dhe të kuptuarit e rëndësisë së arsimit të lartë, për të ardhmen e vendit dhe të rinjve e të rejave të Republikës së Kosovës. /InLajmi/
