Kreu i PDK-së, Memli Krasniqi, ka bërë të ditur se ka pritur në takim Keisuke Yamanaka, të ngarkuarin me punë në Ambasadën Japoneze në Kosovë, përcjell InLajmi.
Krasniqi ka thënë se temë diskutimi e këtij takimi ishte zhcillimet aktuale në vendin tonë si dhe folën për bashkëpunimin mes 2 vendeve.
Tutje ai tha se PDK në vazhdimësi do të angazhohet për thellim të bashkëpunimeve me ambasadat e huaja që janë në të mirën e qytetarëve të Kosovës.
Postimi i plotë i tij:
Sot prita në takim të ngarkuarin me punë në Ambasadën Japoneze në Kosovë, Keisuke Yamanaka, me të cilin diskutuam për zhvillimet aktuale politike në vend dhe intensifikimin e bashkëpunimit mes Kosovës dhe Japonisë në fusha të ndryshme. Gjatë këtij takimi shpreha mirënjohjen time për investimet japoneze në Kosovë ndër vite, të cilat kanë ndihmuar zhvillimin në vendin tonë. Partia Demokratike e Kosovës si lidere e opozitës do të vazhdojë të angazhohet në thellimin e raporteve bilaterale me ambasadat e huaja për të shtyrë përpara projekte me rëndësi për qytetarët tanë./InLajmi/