Lumturi nuk do të thotë që gjithçka t’ju ecë siç doni ju, nuk ka të bëjë as me paratë e pasurinë, e as me të qenit shefi. Lumturia vjen nga brenda dhe nga ndryshimet delikate në mënyrën se si mendoni, e kjo është arsyeja pse pothuajse çdokush mund të jetë i lumtur nëse përpiqet. Pra, çfarë duhet për të qenë një person i lumtur? Epo, fillon me marrjen e vendimit për të qenë të lumtur dhe duke besuar më shumë në veten tuaj, por gjithashtu vjen nga të mos besuarit në gjëra që s’ju bëjnë të ndiheni mirë. Më poshtë do të lexoni për 10 gjëra në të cilat njerëzit e lumtur nuk besojnë.
Nuk besojnë se kanë gjithçka nën kontroll
Ju mund të përpiqeni shumë që të bëni që gjithçka të shkojë sipas planit, por ndonjëherë nuk ndodh kështu. Ju nuk mund ta dini se çfarë do të bëjnë ose thonë njerëzit e tjerë, prandaj pranojeni këtë dhe mësoni të reagoni pozitivisht ndaj gjërave të papritura që ndodhin.
Ata nuk besojnë se e gjithë bota është kundër tyre
Mos u shqetësoni se çfarë mendojnë të tjerët, kjo është puna e tyre. Mund të jeni kuriozë se çfarë mendojnë ata, por mos i vini aq rëndësi.
Nuk shqetësohen për gjërat e vogla
Gjëra të këqija mund t’i ndodhin kujtdo, por ata që përfshihen dhe zhyten në këto gjëra, janë të palumtur. Uljet dhe ngritjet e vogla në jetë janë diçka me të cilën duhet të mësohemi dhe të ecim me to, kështu që harroni problemet dhe shqetësimet e vogla, por ecni përpara.
Nuk jetojnë në të kaluarën
Është e ardhmja ajo që mban emocionet, mundësitë, kështu që mos jetoni në të kaluarën, por jetoni për sot dhe për nesër. Njerëzit e lumtur jetojnë momentin dhe mund ta gjejnë lumturinë edhe në zakonet më të thjeshta të përditshmërisë.
Nuk besojnë tek problemet
Njerëzit e lumtur nuk shohin problemet, shohin shanset. Ata nuk i ngrenë duart lart me dëshpërim, sapo të përballen me një sfidë; në vend të kësaj, bëjnë të gjitha përpjekjet e tyre për të gjetur një zgjidhje.
Nuk besojnë në gënjeshtra
Njerëzit e lumtur respektojnë ndershmërinë tek të tjerët dhe nuk mashtrojnë. Preferojnë të japin një përgjigje të sinqertë dhe të hapur për një pyetje, se sa të sajojnë një histori të gjatë. Gënjeshtra e bën një njeri të ndihet fajtor dhe mund ta bëjë jetën shumë më të komplikuar se sa duhet.
Ata nuk mendojnë se mund të jesh shumë i vjetër për t’u argëtuar
Njerëzit e lumtur zgjedhin lumturinë e tyre, përtej asaj që të tjerët mund të mendojnë për ta. Edhe pse mund të duken pak budallenj, duke luajtur me një ritëm fëmijësh në park, nuk u intereson, sepse nuk je kurrë shumë i vjetër për t’u argëtuar.
Nuk mendojnë se puna vjen e para
Për një njeri të lumtur, puna dhe paratë janë një mjet për një qëllim dhe jo qëllim në vetvete. Njerëzit e lumtur kurrë nuk e vendosin punën mbi lumturinë e tyre.
Një njeri i lumtur nuk do ta kalonte gjithë ditën në shtrat
Duhet të flesh, sigurisht, por nuk do të gjesh një person të lumtur që do ta kalojë gjithë ditën në shtrat. Njerëzit e lumtur priren të zgjohen herët, sepse duan të jetojnë momentin dhe në shtrat, ai moment do të zhduket, shkruan Living Shqip.
Nuk kanë nevojë për miratimin e të tjerëve
Njerëzit e lumtur nuk e krahasojnë veten me të tjerët, nuk bëhen xhelozë dhe nuk bëjnë gjëra thjesht për të kënaqur të tjerët. Askush nuk ka të drejtë t’ju gjykoj ju, kështu që një person i lumtur bën atë çka e bën të lumtur dhe atë në të cilën beson.
