Qeveria Kurti 2 ka bërë një vit qeverisje, ndërsa është kritikuar nga krerët e partive opozitare se është njëra ndër qeverisjet më të dobëta prej pas shpalljes së pavarësisë, shkruan InLajmi.
Madje kjo qeverisje sipas krerëve opozitare u tha se do të njihet si qeverisje e shtrenjtimit të çmimeve dhe shkaktimit të krizës ekonomike.
Blerim Burjani, analisti i njohur politik tha për Gazetën InLajmi se në qeverisjen Kurti vërehet dëshpërimi dhe jo ndonjë risi.
“Fatkeqësisht kjo qeveri mbetet larg ndryshimit të madh. Duhet përmendur faktin se përsëri vazhdon avazi i njëjtë i emërimit të ambasadorëve me të njohur, apo emërime të paligjshme, me njerëz jo kompetentë. Ky është një skandal. Krejt këto emërime po bëhen pa respektuar nenin 20 të Ligjit për Shërbim Diplomatik”,tha Burjani.
Ngecje të kësaj qeverisje, sipas analistit Burjani është edhe mos stimulimi i sektorit privat.
“Stimulimi i sektorit privat, ka shume gjëra që nuk lëvizin fare nga vendi. Po ashtu emërimi në borde deri tash përmes një hetimi të madh të të gjithë kundërshtarëve politik dhe gjëra të tjera, realisht është proklamuar ndryshimi dhe të gjithë njerëzit duhet të jenë të barabartë të konkurrojnë dhe të zgjedhin më të merituarit dhe me të përgatiturit, por nuk doli të jetë kështu”,tha tutje ai.
Ndërkohë, gjatë ditës së hënë, deputetë të partisë së pushtet, LVV-së thanë se derisa vendin e kanë gjetur me shumë sfida sa i përket vaksinimit, tashmë është bërë lider në rajon.
Lidhur me këtë, Burjani thotë se është element pozitiv, por lavdëron në theks të veçantë qytetarët për vetëdijesim.
“Disa vaksinimin po e quajnë sukses ndërsa unë po e quaj vetëm sukses të vetëdijëSimit të qytetarëve, sjellja e vaksinave nga kjo qeveri, po mund të them se është element positive”,shtoi ai.
Problem të madh, Burjani e quajti edhe mungesën e Ligjit për Vetting, ndërsa shtoi se kështu si janë duke shkuar punët zbatimi duket fort larg.
Në përgjithësi, tha ai, Qeveria Kurti ka dhënë shumë premtime por realizimi duket të jetë i dobët. /InLajmi/
