Ministri i Mbrojtjes, Armend Mehaj, ka bërë të ditur se ka filluar të zbatohet vendimi për lirimin ushtarëve të FSK-së për udhëtimin me transportin urban, përcjell InLajmi.
Mehaj ka bërë të ditur se gjatë takimit me kryetarin e Prishtinës është nënshkruar ky vendim.
Tutje ai tha se përveç kësaj u dakorduan që të arrijnë marrëveshje edhe për Memorandumin e Bashkëpunimit në fusha tjera të interesit të përbashkët.
Postimi i plotë i tij:
Bashkëpunimi ynë me Komunën e Prishtinës filloi me vendimin për lirimin nga pagesa e udhëtimit të ushtarakëve të FSK-së me transportin urban.
Sot prita në takim kryetarin e Prishtinës , Përparim Rama me të cilin diskutuam për bashkëpunimin në mes Ministrisë së Mbrojtjes dhe FSK-së me komunën e Prishtinës dhe institucionet nën autoritetin e saj.
Me qëllim të mbështetjes së ushtarakëve të FSK-së dhe lehtësimit në funksionalitetin institucional të FSK-së, kryetari Rama nënshkroi sot vendimin për lirimin nga pagesa e ushtarakëve të FSK-së nga pagesa e udhëtimit me sistemin e transportit urban që menaxhohet nga Komuna e Prishtinës.
Me Kryetarin Rama, gjithashtu u dakorduam që, pas një analize dhe vlerësimi nga 2-ja palët, të arrijmë edhe Memorandumin e Bashkëpunimit në fusha tjera të interesit të përbashkët./InLajmi/
