Në një vjetorin e Qeverisjes Kurti, Abelard Tahiri, shefi i Grupit Parlamentarë të PDK-së, ka thënë e kjo qeveri është një prej më të dobëtave që nga shpallja e pavarësisë së Kosovës, raporton InLajmi.
“Ngathtësi të madhe, një qeveri prej më të dobëtave që nga shpallja e pavarësisë së Kosovës. Puna e pavarur është shumë e mirë si ta zëmë punën e Doganës por kjo nuk duhet të ndërlidhet me punën e Qeverisë. Mos angazhimi i Qeverisë në formën e duhur ka vështirësuar jashtëzakonisht jetën në Kosovë, kemi rritje të çmimeve të secilit produkt”,tha Tahiri.
Tutje, ai ritheksoi si çështje shumë shqetësuese, rritjen e çmimit të energjisë elektrike.
“Kemi një shtrenjtim të jetës në vendin tonë. Më e dëmshmja është energjia elektrike. Kjo krizë është paralajmëruar që nga muaji prilli. Ne qysh atëherë e kemi ngritur zërin.Aplikimet e shumta për vizë është se qytetarët nuk shohin ndonjë shpresë për këtë vend”,tha Tahiri, derisa theksoi po ashtu se vendi e ka një kryeministër pa vizion ./InLajmi/
