Ministrja e Punëve të Jashtme e Kosovës, Donika Gërvalla-Schwarz, në shënjimin e regjistrimit të Listës “GUXO” si parti politike nuk u është përgjigjur pyetjeve se përse nuk po merren masa ndaj diplomatit të Kosovës, Prindon Sadriu i cili ditë më parë i ka quajtur mediat “Ndërmarrje e përbashkët kriminale”, raporton InLajmi.
Ajo ka thënë se do t’i përgjigjet të gjitha pyetjeve që kanë të bëjnë me punën e saj si ministre duke theksuar se “Sadriu nuk është pjesë e partisë”.
“Unë nuk di që zotri Sadriu të jetë pjesë e kësaj partie politike. Sot ju kemi ftuar që së bashku me ju të shënojmë regjistrimin e partisë GUXO dhe të gjitha pyetjet që kanë të bëjnë me punën time si ministre me shumë kënaqësi do t’iu përgjigjem njëherë tjetër”, tha ajo./InLajmi/
