Ambasada amerikane në Kosovë, pikërisht në ditën e të dashuruarve ka bërë thirrje që qytetarët e vendit tonë të vaksinohen kundër koronavirusit, përcjell InLajmi.
SHBA-ja javën që shkoi ka dhuruar mbi 500.000 vaksina anti-Covid Kosovës, në mënyrë që qytetarët të mbrohen nga infektimet me koronavirus.
‘’Javën e kaluar SHBA-të dhuruan edhe mbi 500.000 vaksina për të mbrojtur kosovarët. Tani ka mënyra të reja, të përshtatshme për të marrë vaksinën tuaj. Këtë festë të Shën Valentinit, tregojuni familjes tuaj se jeni të kujdesshëm duke iu drejtuar klinikës mobile në sheshin Zahir Pajaziti. Kjo mënyrë e re e përshtatshme dhe e lehtë për të marrë vaksinën është falë USAID-it në Kosovë, Programit të Unicef-it në Kosovë dhe në partneritet me Ministrinë e Shëndetësisë”, ka shkruar kjo ambasadë./InLajmi/
