Ka vdekur oficeri i lartë i Forcës së Sigurisë së Kosovës, Skender Haliti, përcjell InLajmi.
Lajmin për vdekjen e nënkolonelit të Ushtrisë së Kosovës e ka dhënë kolegu i të ndjerit, Rrustem Berisha.
Ish-ministri i Mbrojtjes, Rrustem Berisha është shprehur i tronditur nga lajmi për ndarjen e papritur nga jeta e mikut të tij, bashkëluftëtarit e bashkëpunëtorit, kolonelit Skënder Haliti.
Berisha thekson se vepra e bashkëluftëtarit tonë nuk do të harrohet asnjëherë.
Berisha gjithashtu i shpreh ngushëllime familjes Haliti, bashkëluftëtarëve, kolegëve, miqve dhe të gjithë atyre që e kanë njohur dhe bashkëvepruar me të ndjerin.
Postimi i plotë i tij:
Jam i tronditur thellë nga lajmi për ndarjen e papritur nga jeta të mikut, bashkëluftëtarit e bashkëpunëtorit, kolonelit Skënder Haliti.
Skënderin e njoha në ditët e vështira të luftës për liri, bashkë kaluam në shumë beteja, pastaj bashkë vazhduam në TMK dhe e kisha bashkëpuntor edhe në Ministrinë e Mbrojtjes, ai ishte burr i fjalës, i urtë dhe një mik i jashtêzakonshëm!
Ju shpreh ngushëllimet më të përzemërta familjes Haliti, bashkëluftëtarëve, kolegëve, miqve dhe të gjithë atyre që e kanë njohur dhe bashkëvepruar me të ndjerin!
Veprat e mikut e bashkëluftëtarit tonë, Skender Halitit do ti kujtojm gjithmonë e me shumë krenari!
Shpirti i tij u prehtë në paqe!/InLajmi/
