Ministria e Punëve të Jashtme dhe Diasporës u ka bërë thirrje qytetarëve kosovarë që të largohen sa më parë nga Ukrania, përcjell InLajmi.
Duke qenë se tensionet Rusi-Ukrainë po rriten, sipas Ministrisë së Diasporës tashmë nuk mund të përjashtohet fillimi i një konflikti të armatosur mes këtyre 2 vendeve.
Gjithashtu Ministria u bën thirrje qytetarëve kosovarë që të mos udhëtojnë drejt Ukrainës.
Në fund Ministria jep edhe udhëzimet se si të kontaktoni Ambasadën e Kosovës në Pragë, për informacione konkrete dhe ndihmë aktuale.
Postimi i plotë i MPJD-së:
MPJD iu bën thirrje qytetarëve kosovarë të largohen sa më parë nga Ukraina
Pas rritjes dramatike të tensioneve mes Rusisë dhe Ukrainës, të shkaktuara nga prania dhe lëvizjet e mëdha të trupave ruse në afërsi të kufirit me Ukrainën, tashmë nuk mund të përjashtohet më, fillimi i një konflikti të hapur të armatosur.
Ministria e Punëve të Jashtme dhe Diasporës iu bën thirrje qytetarëve të Republikës së Kosovës që të mos udhëtojnë drejt Ukrainës dhe nëse ndodhen atje, të largohen sa më parë.
Për informacione aktuale dhe ndihmë konkrete, qytetarët e Republikës së Kosovës që ndodhen në Ukrainë mund të kontaktojnë Ambasadën e Kosovës në Pragë në numrin: + 420 257 217 775 ose në adresën e emailit: embassy.cz.republic@rks-gov.net /InLajmi/
