Javier Bardem fitoi çmimin aktori më i mirë në edicionin e 36-të çmimeve “Goya Awards” të Akademisë Spanjolle të Filmit në Valencia,që u mbajt të shtunën mbrëma, ndërsa aktorja australiane Cate Blanchett mori në shtëpi çmimin e parë ‘International Goya Award’, transmeton InLajmi.
Bardem fitoi çmimin e tij të 7-të për rolin e tij në satirën “The Good Boss”, i cili fitoi 6 çmime duke përfshirë filmin më të mirë, regjisorin më të mirë dhe skenarin më të mirë origjinal.
Një surprizë e natës erdhi kur Penelope Cruz, e cila ishte nominuar së bashku me bashkëshortin e saj Bardem, por që nuk arriti të fitonte aktoren më të mirë për rolin e saj në “Nënat paralele” të Pedro Almodovar.
Ky vlerësim i shkoi Blanca Portillo-s për Maixabel, për një grua që përballet me terroristët e ETA-s që vranë burrin e saj.
Filmi prodhoi gjithashtu aktorin më të mirë dytësor, Urko Olazabal, dhe aktoren më të mirë të re, Maria Cerezuela.
Pedro Almodovar dhe Penelope Cruz i dhuruan aktores australiane Cate Blanchett çmimin e parë ndërkombëtar në ceremoninë e mbajtur në Palau de les Arts në Valencia.
Ajo tha se shikimi i filmave të regjisorit spanjoll Luis Bunuel në shkollë të mesme ndryshoi mënyrën se si ajo e shihte botën.
Blanchett do të punojë me Almodovarin në një përshtatje të përmbledhjes së tregimeve të shkurtra të Lucia Berlin, A Manuel for Cleaning Women.
Bardem shpreson të përsërisë fitoren e tij në Oscars në Los Angeles më 27 mars, ku ai është nominuar edhe për aktorin më të mirë, këtë herë për rolin e tij si Desi Arnaz së bashku me Lucille Ball të Nicole Kidman, në Being the Ricardos, shkruan Malay.Mail.
Penelope Cruz është gjithashtu e nominuar për një Oscar, duke i bërë Cruz dhe Bardem çiftin e 6-të të martuar që marrin nominime për çmimin Oscar për aktrim në të njëjtin vit. /InLajmi/
