Skitari që po përfaqëson Kosovën në Lojërat Olimpike Dimërore në Pekin, Albin Tahiri është renditur i 37-ti nga 87 garues në garën e parë të sllallomit të madh, përcjell InLajmi.
Tahiri ka përfunduar me sukses dhe rezultat të kënaqshëm garën e parë të sllallomit të madh.
Ai ka përfunduar garën në pozitën e 37-të, me kohë 1 minutë e 32.41 sekonda.
Siç njofton faqja zyrtare e Komitetit Olimpik të Kosovës, lëshimi i 2-të i sllallomit të madh është paraparë të nis në ora 06:45 me kohën tonë lokale, por është shtyrë së paku deri në 08:00 shkaku i kushteve të dobëta atmosferike./InLajmi/
