Përpjekja e fundit e punonjësve të qeverisë së Neë Yorkut për të shmangur shkarkimin nga puna sepse nuk duan të vaksinohen dështoi të premten, kur padia e tyre e fundit u refuzua dhe hyri në fuqi rregulli i vaksinimit të detyrueshëm.
Një gjykatë federale në Brooklyn ka refuzuar një kërkesë të një grupi punonjësish për të pamundësuar përkohësisht qytetit t’i pushojë nga puna ata që nuk janë vaksinuar. Përpjekjet e mëparshme ligjore për ta bërë këtë kanë dështuar gjithashtu, me këtë të fundit që argumenton se rregullat shkelin “të drejtat themelore fetare dhe kushtetuese” të punëtorëve.
Pas vendimit të gjyqtares Diana Gujarati, Bashkia zbatoi rregullin e detyrueshëm të vaksinimit sipas një plani të mëparshëm. Janë pushuar nga puna 36 punonjës të pavaksinuar të shërbimit të urgjencës, gjegjësisht zjarrfikësit lokalë
Kryetari i bashkisë së New Yorkut, Eric Adams, ka pohuar se ishte pro vaksinimit të detyrueshëm
“Nuk është çështje shkarkimi, është çështje vaksinimi. Ne duam që njerëzit të vaksinohen. Unë nuk dua që qyteti të mbyllet përsëri. Dhe gjithçka që mund të bëjmë është të inkurajojmë njerëzit të vaksinohen dhe të shpresojmë që ata të shkojnë për një dozë përforcuese”,shtoi Adams, raporton Reuters.
Qyteti dërgoi një paralajmërim për gati 4.000 punonjës në fund të muajit të kaluar. Adams tha të premten se disa prej tyre ishin vaksinuar, por se numri i saktë nuk do të dihej deri në fund të fundjavës, transmeton Telegrafi.
Punonjësit e qytetit duhet të vërtetonin se kishin marrë të paktën 2 doza të vaksinës Moderna apo Pfizer ose një dozë të Johnson&Johnson.
