Ish-presidenti i Kroacisë, Stipe Mesiq, këtë të shtunë ka vizituar Kosovën, i shoqëruar nga ish-presidenti i Shqipërisë, Bamir Topi, si dhe bashkëpunëtorët, raporton InLajmi.
Mesiq në takimin që ka pasur me kryekuvendarin e Kosovës, Glauk Konjufca kanë folur për bashkëpunimet e ngushta në mes të 2 vendeve.
“Jugosllavia ka mundur të shpërbëhet pa luftë, por politika shoviniste e Millosheviqit ishte ajo që iu shkaktoi tragjedi popujve joserbë në këto hapësira. Ai mendonte se do të arrinte ta gënjente botën për “të drejtën serbe”, por gënjeu veten dhe serbët. Serbët vazhdojnë ta urrejnë Millosheviqin jo pse shkaktoi gjithë ato luftëra të përgjakshme, por pse i humbi ato”,tha Mesiq,
Tutje, Mesiq tha se do të vazhdojë të jetë zë i fuqishëm i kudo ndodhur në përkrahje të aspiratave integruese të Republikës së Kosovës.
Nga ana e tij, ish-presidenti i Shqipërisë, Bamir Topi e uroi me këtë rast Konjufcën për detyrën e re në krye të Kuvendit dhe tha se e konsideron privilegj vizitën në Kosovë me mikun e tij dhe të të gjithë shqiptarëve, Mesiq. /InLajmi/
