Ministrja e Drejtësisë, Albulena Haxhiu, në konferencën vjetore të prokurorve ka thënë se procesi i zgjedhjes së Kryeprokurorit të Shtetit, duhet të jetë transparent dhe meritor, raporton InLajmi.
Ajo është zotuar se Ministria e Drejtësisë është e gatshme të bëjë punën e saj, e cila theksoi se fati i qytetarëve të Kosovës është në duart tona.
Haxhiu ka thënë se të gjithë jemi të njëjtë para ligjit.
“Zgjedhja e Kryeprokurorit të Shtetit është përtej Këshillit Prokurorial sepse ka jehonë e ndikim si brenda ashtu edhe jaht vendit. Sigurohuni që ky proces te jetë transparent, i drejtë, profesional dhe meritor. Faleminderit për punën e mirë që keni bërë. Ministria e Drejtësisë është e gatshme të kontribuojë dhe avokojë për ju. Fati i qytetarëve është në duart tona. Duhet të keni parasysh parimet që do të ju udhëheqin gjatë punës suaj” tha ajo.
Më tej ajo kërkoi nga prokurorët e gjyqtarët të ushtrojnë detyrën e tyre në mënyrë objektive dhe të pavarur.
“Nuk ka më mirë se qytetarët të ju njohin për punën e ndershme dhe profesionale, dhe për guximin. Ne duhet të dëshmojmë që askush nuk është i pa prekshëm dhe se të gjithë janë te barabartë para ligjit. Ju duhet të dëshmoni që nuk ju interesojnë emrat e përvetshëm por veprat që kanë bërë”, ka thënë Haxhiu./InLajmi/
