Ministrja e Ministrisë së Drejtësisë, Albulena Haxhiu, në konferencën vjetore të Prokurorëve të mbajtur këtë të premte, ndër të tjera ka përmendur faktin, gjegjësisht ka kërkuar që mos të ketë tolerime ndaj atyre që ushtrojnë dhunë ndaj grave, dhe atyre që shkaktojnë dhunë në familje, raporton InLajmi.
“Angazhohuni maksimalisht për drejtësi, mbroni qytetarët për të drejtat e tyre, e keni përgjegjësi të mbroni interesin publik. Mos e lejoni askënd të ndërhyj në punën e juaj. Shteti ynë duhet të ketë institucione të pavarura, të ketë prokurorë e gjyqtarë të drejtë e që nuk ndikohen nga askush”,tha ministrja Haxhiu.
Ndryshe, ministria e Drejtësisë, tha se do të jenë gjithmonë të gatshëm të kontribuoj që të gjithë të punojnë për drejtësi në mënyrë që qytetarët ta duan vendin e tyre dhe mos detyrohen të largohen. /InLajmi/
