Thonjtë me xhel është një procedurë që aplikohet viteve të fundit në masë të madhe dhe pëlqehet shumë nga vajzat dhe gratë, pasi përveç që duken bukur një kohë të gjatë, kursen edhe kohën tuaj për disa javë sa qëndron.
Por nëse ju aplikoni vazhdimisht këtë duhet të dini patjetër disa detaje.
Thonjtë me xhel duket se janë zgjedhje perfekte dhe më komode. Por a keni menduar ndonjëherë se mund t’ju dëmtojnë.
Ja se çfarë duhet të dini:
Llampat UV specifike për tharjen e thonjve me xhel, shpesh kanë qenë një burim diskutimi, në lidhje me rrezikun e tyre dhe dëmin që mund të shkaktojnë në lëkurë.
Ato janë akuzuar se janë kancerogjene dhe mund të shkaktojnë kancerin e lëkurës aq sa llambat më të zakonshme për nxirje. Në fakt alarmi që shfaqet është i pajustifikuar dhe mjaft katastrofik, pasi rrezet UV që lëshon llamba janë të njëjta me ato që përdoren për të bërë zbardhjen e dhëmbëve, pra jo si të rrezikshme.
Pra, efekte kanë, por s’është nevoja të ekzagjerohet.
Është e pamohueshme se xheli tek thonjtë mund të shkaktojë disa dëme. Xheli, në fakt, mund t’i dobësojë thonjtë, duke i bërë ato me kalimin e kohës më të hollë dhe më të brishtë. Dhe për të pasur sërish thonjë të fortë dhe të shëndetshëm duhet të prisni të rriten përsëri plotësisht, shkruan Gazeta Metro.
Me pak fjalë, edhe në këtë rast, që të keni duar me shëndet të përsosur, më mirë t’i lini të pushojnë thonjtë herë pas here. Duke lënë të kalojë pak kohë në mes të një rindërtimi me xhel tek tjetri.
