Ky virus e ka origjinën te minjtë dhe është endemik në pjesë të Afrikës Perëndimore, por vetëm 11 raste janë gjetur në Mbretërinë e Bashkuar që nga viti 1980, transmeton InLajmi.
Ndërsa një person ka vdekur pasi u konfirmuan 3 raste të etheve Lassa në Mbretërinë e Bashkuar, me 2 nga ato infeksione të gjetura tek njerëzit që ishin kthyer nga Afrika Perëndimore.
Ndërsa Agjencia e Sigurisë Shëndetësore e Mbretërisë së Bashkuar (UKHSA) i siguron njerëzit se “rreziku për publikun e gjerë mbetet shumë i ulët”.
Çfarë janë ethet Lassa?
Ethet Lassa janë një sëmundje akute virale që e ka origjinën te minjtë.
Është endemike në pjesë të Afrikës perëndimore, duke përfshirë Sierra Leone, Liberi, Guine dhe Nigeri.
Sëmundja u zbulua në vitin 1969 dhe ka marrë emrin e qytetit në Nigeri ku u raportuan rastet e para, shkruan Sky News.
Rreth 100.000 deri në 300.000 infeksione të etheve Lassa ndodhin çdo vit, me afërsisht 5.000 vdekje, sipas Qendrave për Kontrollin dhe Parandalimin e Sëmundjeve (CDC) në SHBA. /InLajmi/
