Njohësi i çështjeve politike, Gazmir Raci, foli për qeverisjen Kurti 2, ku përmendi disa të arritura të qeverisë.
Raci fillimisht foli për menaxhimin e pandemisë.
“Qeveria e filloi me zero kontrata për vaksina, e vendosi në pikën e parë në programin qeverisë, Kurti u koncentrua me arrit rezultatin që mbi 60% e qyteatrëve të vaksinohen dhe ia arriti”, tha Raci.
“Ne u patëm mësuar në Kosovë që të vijnë qeveri që premtojnë 200 mijë vende pune, autostrada, por që pastaj plasin skandale një pas një”, u shpreh tutje ai.
Raci pretendoi se ka ngritje në luftën kundër korrupsionit, dhe se sipas tij, janë rreth 509 arrestime në luftën kundër korrupsionit e krimit.
“Neve na ndodhi një qasje e re ndaj dialogu, na ndodhi një qasje e re cila e ndaloi referendumin serb për herë të parë”, tha ai.
Krejt në fund, Raci në Rubikon të Klan Kosovës foli për mundësinë e liberalizimit të vizave, duke thënë se kjo varet nga procesi i dialogut.
“Liberalizimi i vizave është i lidhur me dialogun, nuk ka të bëj me statistika në luftën kundër krimit dhe korrupsionit. Komisioni Evropian e ka dhënë dritën e gjelbër, 100% e kushteve janë plotësuar, por tani vendimi politik është i nevojshëm, gjë që varet nga përfundimi i dialogut”.
