Presidentja e vendit, Vjosa Osmani këtë të enjte ka ndarë medalje presidenciale familjarëve të 2 aktivistëve të rënë të Lëvizjes Vetëvendosje, 15 vite më parë, Mon Balaj dhe Arben Xheladini, raporton InLajmi.
“Pas propozimit të deputetëve dhe rekomandimit të Komisionit për dhënien e dekoratave, sot i japim 2 medalje për kontributin e dhënë për Arben Xheladinin dhe dhe Mon Balaj.Përtej asaj për respekt duhet ta përsërisim thirrjen për drejtësi, kjo ka qenë shkelje ndaj të drejtave të njeriut, për fat të keq askush akoma nuk ka dalë para drejtësisë për vrasjen e tyre”, tha presidentja Osmani e cila së bashku me kryeministrin e vendit, Albin Kurti ka pritur në takim familjarët e 2 të rënëve, Xheladini dhe Balaj.
Presidentja e vendit, më tej falënderoi familjarët e 2 të rënëve, që në vazhdimësi kanë treguar respekt dhe mbështetje për Kosovën.
“Vazhdojmë me thirrjet tona, komunitetit ndërkombëtarë, që të të jap drejtësi për Xheladinin dhe Balajn”,tha më tej Osmani./InLajmi/
