Kryeparlamentari i Kosovës, Glauk Konjufca, ka kujtuar Mon Balajn e Arben Xheladinin në 15 vjetorin e vrasjes së tyre nga policia e UMIK-ut, gjatë protestave të 10 shkurtit të 2007-ës, përcjell InLajmi.
Konjufca tha se ata janë përfaqësues të vlerave më të larta të lirisë dhe demokracisë në Kosovë.
Ndryshe në nderë të 2 heronjve këtë të enjte Konjufca ka brë homazhe tek varret e tyre së bashku me kryeministrin e vendit Albin Kurti, kryetari i Podujevës Shpejtim Bulliqi si dhe deputetë të Vetëvendosjes.
Postimi i plotë i tij:
Sot për të 15 herë po e shënojmë përvjetorin e vrasjes së aktivistëve të Lëvizjes VETEVENDOSJE!, Arben Xheladini dhe Mon Balaj nga policia e UNMIK-ut.
Arbenin dhe Monin largësia e kohës i bën gjithnjë e më të mëdhenj, sepse kanë hyrë në kujtesën tonë si mishëruesit dhe përfaqësuesit e vlerave më të larta të lirisë, barazisë dhe demokracisë – si simbole të përsosmërisë së moralit politik, idealit, guximit qytetar, shpirtit vetëmohues dhe vizionit të qartë.
Në ditën e 10 Shkurtit na bashkon kujtimi dhe nderimi për këta pishtarë të sakrificës dhe të zgjimit qytetar karshi padrejtësive dhe rrezikimit të aspiratave të popullit tonë, virtyte këto që duhet të na shërbejnë të gjithëve si frymëzim dhe motivim, vullnet pune e përkushtim në të mirë të Republikës.
I pavdekshëm qoftë kujtimi për aktivistët e pavdekshëm, Arben Xheladini e Mon Balaj.
Lavdi!/InLajmi/
