Ish-ministri i Jashtëm i Kosovës, Enver Hoxhaj, ka takuar emisarin e Britanisë së Madhe, Stuart Peach dhe ambasadorin Nicholas Abbott, përcjell InLajmi.
Hoxhaj tha se mbështetja e Britanisë së Madhe është e rëndësishme për dialogun Kosovë-Serbi, nga i cili duhet të ketë një njohje të ndërsjellë.
Gjithashtu emisari Peach këtë të enjte është takuar edhe me presidenten e vendit Vjosa Osmani si dhe me kryeministrin Albin Kurti ku biseduan për çështjen e dialogut.
Postimi i plotë i tij:
Takim i shkëlqyeshëm me Emisarin e Mbretërisë së Bashkuar për Ballkanin Perëndimor, Sir Stuart Peach dhe me ambasadorin Nicholas Abbott. E rëndësishme mbështetja britanike për Kosovën në rrafshin ndërkombëtar, dialogun mes Kosovës dhe Serbisë nga i cili duhet të rezultojë njohja e ndërsjell dhe për të përballuar kërcënimet e akterëve joperëndimor në Ballkan!/InLajmi/
