Britania e ka paralajmëruar sërish presidentin e Rusisë, Vladimir Putin, për sanksionet e perëndimit në rast të pushimit të Ukrainës.
Sekretari britanik i Mbrojtjes Ben Wallace, tha se askush nuk do të fitonte nga pushtimi agresiv i një shteti sovran.
Ai tha po ashtu se bisedimet në kërkim të zgjidhjes së krizës në Ukrainë janë “të ngadalshme”.
“Pavarësisht bisedimeve, gjërat po rrjedhin në mënyrën e gabuar. Rusët janë duke e rritur akoma numrin e trupave. Ata po planifikojnë të fillojnë një stërvitje strategjike bërthamore së shpejti”, tha Wallace për BBC.
Wallace, tha të enjten se Britania mund të dërgojë trupa të tjera për të ndihmuar në mbështetjen e aleatëve të saj në Evropën Lindore dhe Jugore nëse kërkohet, transmeton Radio Evropa e Lirë.
Ndërkohë, Rusia dhe Bjellorusia kanë nisur stërvitjet e përbashkëta ushtarake që pritet të zgjasin 10 ditë.
