Deputetja e PDK-së, Ganimete Musliu, në seancën e Kuvendit të Kosovës, i është drejtuar kryeministrit të vendit, Albin Kurti me fjalët frikacak e hajgarexhi, derisa deputetëve të pozitës u ka dhënë një porosi, që kur është në pyetje interesi i qytetarëve duhet ta kundërshtojnë edhe liderin e tyre, raporton InLajmi.
“Albin Kurti është frikacak, kjo po dëshmohet edhe sot kur nuk është në seancë as ai e as ministrat. Nuk i duhet vendit një frikacak. Po ashtu ai po tregohet hajgarexhi sepse po mundohet në rrjetet sociale t’i shpjegoj qytetarëve procesin e rritjes së tarifave”,tha Musliu.
Ndërkohë, ajo përmendi edhe disa karakteristika të cilat i dallojnë ish liderët të cilët kanë udhëhequr Kosovën.
“Hashim Thaçi mbahet në mend se 100% i pati rritur rrogat. Ramush Haradinaj mbahet në mend se e hoqi taksën 100%, ndërsa Albin Kurti do të mbahet në mend se i rriti tarifat 100%”,tha ajo.
Më tej, Musliu bëri thirrje organeve të drejtësisë që të shikojnë dhe hulumtojnë procesin e tarifave, derisa theksoi se deputetët nuk janë në Kuvend për të bërë hetime lidhur me këtë proces./InLajmi/
