Deputeti i PDK-së, Ardian Kastrati ka reagur në lidhje me mungesën e deputetëve të VV-së në seancën e Kuvendit, për shtrenjtimin e energjisë, përcjell InLajmi.
Kastrati tha se ata që nuk e votuan rezolutën kundër shtrenjtimit të rrymës janë pikërisht ata që e vodhën naftën.
Sipas deputetit të PDK-së, ata që keqpërdoren naftën e shtetit, duke nisur nga presidentja e vendit Vjosa Osmani, e cila ka marrë naftë nga shteti që 20 vite, ku ajo e ka keqpërdorur këtë sepse gjithmonë ka udhëtuar nga Prishtina në Prishtinë, e njësoj sipas tij kanë vepruar edhe deputetët e tjerë.
Ai thotë se atyre kur iu konvenon “me zhvatë” ju pëlqejnë vendimet e qeverive të kaluara, e sot sipas tij ata janë zënë “me pelë për dore”.
Në fund ai thotë në mënyrë ironizuese se kështu punohet në interes të qytetarëve dhe se duhet të vazhdojmë me këtë ndryshimin, me kuptimin që duke vjedhur e zhvatur shtetin.
Postimi i plotë i tij:
HAJNAT E NAFTËS SOT NUK VOTUAN REZOLUTËN KUNDËR SHTRENJTIMIT TË RRYMËS
Në VV e ” Lista Vjosa” ka të tillë që besojnë se kolegët e tyre që keqpërdorën naftën e shtetit më përpara mund të ja thejnë rekordin Ben Johnson-it në 100 metra vrapim se sa që e vjedhiin naftën e shtetit.
Mirëpo faktet janë në dritën e diellit. Me deklaru që jeton në Prishtinë ose që nuk ke veturë e me marrë naftë shtetit me shku në Kuvend është hajni.
Në diskursin e tyre më bën përshtypje një fakt, kur thonë 20 vite keqpërdorime. Brenda atij 20 vjeçari Vjosa Osmani paska marrë naftë shtetit me shku në Kuvend prej Prishtinës në Prishtinë. Disa nga kolegët e saj nga pozita vepruan njësoj edhe në 2021-tën.
Kjo tregon që këtyre aty ku ju konvenon me ZHVATË për vete ju pëlqejnë ato vendimet e 20 vjeçarit. Kjo ndodhi deri sa u zunë siç thotë populli me ” pelë për dore”.
Të njëjtit që vodhën naftën e shtetit sot ikën nga Kuvendi për mos ta votuar rezolutën KUNDËR shtrenjtimit të rrymës. Në njërën anë vjedhin naftë, në tjetrën anë i shtrenjtojnë rrymën qytetarit.
Kështu punohet për interesin e qytetarëve që i votuan.
VAZHDOJMË ME ” NDRYSHIMIN”. /InLajmi/
