Analistja, Kimete Berisha ka komentuar gjuhën e bashkëshortit të Presidentes Vjosa Osmani, Prindon Sadriu, i cili i quajti mediat ‘ndërmarrje të përbashkët kriminale, përcjell InLajmi.
Berisha ka thënë se presidentja i ka qepuar vetes sepse sipas saj askush nuk ka shkruar me rëndë e vrazhdë sesa presidentja që ka vepruar kundër vetvetes, duke i keqpërdorur 4.000 euro për karburante.
Ajo thotë se padyshim që gazetari mund të jetë mëkatar, por edhe mëkatari mund ta thotë të vërtetën.
Ndërsa reagimen e burrit të presidentes Osmani ndaj mediave i quan mesjetare, primitive dhe patriakale.
Ajo e kritikon Sadriun edhe për fshirjen e postit të tij, duke iu drejtuar: Çfarë ‘burri’ je ti që e fshin postimin? Është sikur e ‘vret’ dikë dhe pastaj i fshin gjurmët.
Tutje ajo ironizon me Sadriun duke i thënë se je “aq i rrezikshëm” sa as drejtësia nuk të merr seriozisht.
Ndërkaq analistja politike si shkaktar kryesor për publikimin e keqpërdorimit të 4.000 eurove nga presidentja e quan kryeministrin Albin Kurtin sepse sipas saj mund të ketë ndodhur një përçarje mes presidentes dhe kryeministrit. Ajo këtë pohim e argumenton me faktin se Lëvizja Vetëvendosje u sigurua që njerëzit e saj kryesor nuk kanë shpenzuar karburante dhe vendosën t’i qepojnë presidentes.
Sipas Berishës, Vetëvendosja e ‘sakrifikoi’ një deputete të veten (arriviste), e që është Vjosa Osmani, mirëpo këtë e bëri përmes kryetarit të Kuvendit, Glauk Konjufcës, i cili vendosi t’i bëjë publike shpenzimet e Qeverisë, e që nuk e dëmtoi as PDK-në e as LDK-në sepse sipas saj deputetët e këtyre partive nuk na befasojnë më për keq.
Gjithashtu ajo thotë se presidentja është dashur të pavarësohet nga Vetëvendosja sepse sipas saj kur këta e shohin që po ju del jashtë kontrolli, t’i nxjerrin sekretet.
Postimi i plotë i tij:
Presidentja i qepoi vetes!
- Saktë.
Çka i bën vetes nuk ta bën askush!
Kurrë, asnjë gazetar nuk ka ditur të shkruaj kundër Presidentes, më rëndë dhe më vrazhdtë se sa që Presidentja ke vepruar kundër vetvetes, duke i marrë 4.000 euro për karburante.
- Gazetari mund të jetë mëkatar, por edhe mëkatari mund ta thotë të vërtetën.
Sidomos kur e vërteta është e tmerrshme.
E vërtetë është se Presidentja i ka shpenzuar 4 mijë Euro për karburante, e kush e thotë këtë të vërtetë nuk është me rëndësi.
- Për herë të parë pas luftës, reagoi BE në mbrojtje të gazetarëve shqiptarë, që në mënyrë barbare po i kërcënon burri i Presidentes.
Ankesa e vetme e burrit të Presidentes është:
‘Pse ju e tregoni të vërtetën që Presidentja juaj i ka shpenzuar 4.000 euro karburante.
Keni vjedhje më të mëdha për t’u marrë me to – po thotë ai.
Reagimi i burrit të Presidentes është mesjetar, primitiv, patriakal, dhe për fatin e tij të keq, nuk i tutet kush.
Nevojën e tij që të jetë ‘burrë’ Kosova nuk ia plotëson dot.
Çfarë ‘burri’ je ti që e fshin postimin?
Eshtë sikur e ‘vret’ dikë dhe pastaj i fshin gjurmët.
Mund të pendohesh, por pendimi pasohet me kërkimfalje.
Kush je ti që kërcënon!
Je aq ‘i rrezikshëm’ sa as Drejtësia nuk të merr seriozisht!
- Puna rrezik.
Unë e shoh përçarjen e parë mes Kryeministrit dhe Presidentes.
- Glauk Konjufca (nëpërmjet shefit të kabinetit të tij)
e bëri çështje punën e karburanteve që kanë shpenzuar deputetët?
Pse?
Çfarë deshën të arrijnë?
Aty në atë Kuvend, nuk është asnjë ‘esnaf’ i politikës,
janë shumë gra dhe burra që nuk dinë të shkruajnë shqip dhe në jetën e tyre s’kanë lexuar libër;
janë disa gra e disa burra që e kanë blerë mandatin e deputetit;
shumica janë si uji që nuk ecën, të lodhur dhe të konsumuar nga politika.
Kë goditën pra?
Kujt ia ndalën rritën?
Çka deshën të zbulojnë?
Kujt deshën t’ia zbulojnë keqpërdorimet?
- Vetëvendosja e ‘sakrifikuan’ një deputete të veten (arriviste), për t’i zbuluar shpenzimet e kujt?
Të PDK-së?
Tê LDK-së?
LDK e PDK e dikurshme nuk na befasojnë për të keq. Opozita e sotme mund të na befasojë vetëm për të mirë!
E kujt pra i qepoi Glauk Konjufca, duke i zbuluar (përmes shefit të kabinetit të tij) shpenzimet dhe hajnitë e deputetëve?
I qepoi Presidentes.
Të tjerët nuk i bën hesap për njerëz.
Keqpërdorimet e Presidentes janë lajm, keqpërdorimet e të tjerëve – nënkuptohen, edhe pa asnjë fakt.
- Kollçaku, shembull, është aq naive sa që pa e pyetur tregon vet, thotë unë jam ‘deputete e autobusit’.
Ani pse moj vojvode i more gjithë ato pare për karburante kur ke udhëtuar me autobus?…
A t’ka ndodh najherë me knu n’autobus!
- Pra, asnjëri deputet i përfolur për keqpërdorim nuk është simpatik që të bëhet antipatik.
Nuk është duke lulëzuar, që të venitet.
Nuk është i madh që të ‘zvogëlohet’!
Asnjëri prej këtyre që kanë keqpërdorur nuk është aq i respektuar sa të zhgënjehemi me të!
Përkundrazi.
- Vetëvendosja, pasi u sigurua se njerëzit e saj kryesor nuk kanë shpenzuar karburante, vendosi t’i qepojë Presidentes.
Nuk e zbuluan mediat se sa derivate ka harxhuar Presidentja.
As nuk ka qenë ideja e mediave.
Ka qenë ideja e Glauk Konjufcës që të zbulohen llaskuçat.
Pse ndodhi ky zemërim i papritur?
Çfarë e motivoi hakmarrjen e Vetëvendosjes ndaj Presidentes?
Çfarë i frymëzoi ta turpërojnë Presidenten, e cila nuk ka kapital tjetër përveç që mburret, thotë ‘se si nuk vjedh’.
E sulmuan në të vetmin ‘kapital’ që thoshte se e kishte!
- Është e pahijshme, kur je Presidente e popullit më të varfër në Evropë,
e blen shtëpi në lagjen më luksoze, ku jetojnë milionerët.
Është pa edukatë, të thuash se jeton në Prishtinë e të paguhesh sikur udhëton në Mitrovicë.
Presidentja është dashur të më pyes mua:
të pavarësohet nga Vetëvendosja, pa u hetuar.
Sepse, kur ‘ata’ ndjehen se dikush tjetër (në këtë rast Presidentja) po u del nga kontrolli, t’i zbulojnë ‘sekretet’ publike.
- E shihni tash çka i ndodhi Presidentes, as ZRRE nuk e mori parasysh!
- Për neve popullin, ky është lajm i mirë.
Prishja e Presidentes me Kryeministrin, e bashkon popullin.
Ne shqiptarët funksionojmë më mirë kur jemi të prishur mes vete.
Pasi Presidentes i doli duçi, Kryeministri e kthen epërsinë e madhe, sepse nuk e ka asnjë skandal korrupsioni personalisht.
- Por as kjo nuk mjafton, nëse kryeministri nuk e pastron bërllogun e vet, do të thotë: e legjitimon krimin.
Njerëzit e Albin Kurtit nuk guxojnë as të jenë të dyshimtë, lëre më fajtorë, siç u zbuluan!
P.S. Ky Kuvend nuk ka moral të ekzistojë më.
Presidentja ish dashur të dorëhiqej.
Për gjynah. Sa lirë ka kushtuar turpërimi i saj.
Duket se çdo gjë është kaq keq.
Dhe se s’ka mbetur njeri normal në këtë vend.
Unë sa herë mërzitem – e harroj Zotin!
Dhe sa herë dorëzohem – Zoti nuk më lë!
Dje, sherri i Presidentes, disa gazetarë u përjashtuan nga puna ‘për një fjalë goje, thjesht për humor’, e sot Presidentja përjëmend u turpërua, e qepoi kush nuk e priti: Vetvetja. /InLajmi/
