Presidenti i Serbisë, Aleksandar Vuçiq, ka folur për nismën e Ballkanit të Hapur, por edhe për faktin se është gati të bisedojë me kryeministrin e Kosovës Albin Kurtin, si dhe për vizitat e të dërguarve të posaçëm të SHBA-së dhe BE-së, Gabriel Escobar dhe Miroslav Lajçak.
Vuçiqi në një intervistë për televizionin “Happy” ka theksuar se është gjithmonë i gatshëm të bisedojë me Kurtin.
“Edhe pse nuk e shoh shumë të arsyeshme të bisedoj me të Kurtin, megjithatë gjithmonë jam i gatshëm për këtë gjë”,tha Vuçiqi.
Ndërsa për vizitën e fundit të Escobarit dhe Lajçakut, ai tha se nuk mund të fliste për detaje, por që sipas tij ishin bisedime të vështira.
Për shkuarjen e ambasadorit të ri amerikan në Beograd, Christopher Hill, Vuçiqi tha se edhe pse “përvojat tona nuk janë të lehta, ne i mirëpresim ato”, transmeton Klan Kosova.
Ndërsa për iniciativën e Ballkanit të Hapur theksoi se është një “projekt i mençur”.
