Protestuesit kanadezë kanë bllokuar kalimin ndërkombëtar më të ngarkuar në Amerikën e Veriut duke përshkallëzuar tensionet, si një kundërshtim ndaj masës për dozën përforcuese të vaksinës, që duhet ta posedojnë kamionistët që hyjnë në Kanada, pra të vaksinohen plotësisht ose të përballen me testimin dhe kërkesat e karantinës, transmeton InLajmi.
Plot kamionë dhe automjete të cilët i posedojnë personat që aktualisht janë të papunë bllokuan rrugët në qytetet kryesore kanadeze gjatë fundjavës.
Drejtuesit e “Konvojës së Lirisë” penguan udhëtimin të hënën në Urën e Ambasadorit që lidh Windsor, Ontario dhe Detroit.
Lëvizja e guximshme në vendkalimin ndërkombëtar më të ngarkuar të kontinentit sinjalizon një rritje të demonstratave që kanë tronditur vendin.
Kryeministri Justin Trudeau, i cili doli të hënën nga një izolim njëjavor pas testimit pozitiv për koronavirusin, u bëri thirrje banorëve dhe zyrtarëve që të ndalojnë demonstratat.
Më shumë protestues janë bashkuar që atëherë për të luftuar kundër mandateve të maskave, bllokimeve, kufizimeve në tubime dhe përpjekjeve të tjera për të frenuar përhapjen e Covid-19, shkruan CNN.
Disa janë zotuar të mos largohen derisa disa masa të Covid-19 të anulohen. /InLajmi/
