Kreu i partisë Socialdemokrate, Dardan Molliqaj, iu ka kërkuar takim partive parlamentare dhe joparlamentare për të arritur një kundër përgjigje për çështjen e energjisë elektrike, përcjell InLajmi.
Ky takim paramendohet të mbahet ditën e premte për ta kundërshtuar këtë vendim, ndërsa se çfarë vendimi do të merret nuk dihet akoma pasi që sipas Molliqajt vendimi do të arrihet bashkarishtë.
Pasi vendimi i marrë nga Zyra Rregullatorit të Energjisë po i dëmton bizneset dhe qytetarët, sipas Molliqaqjt kjo krizë energjike po dëmtohemi të gjithë.
Ndërsa Molliqaj është shprehur i sigurt që KEDS dhe KECSO janë ata të cilët po përfitojnë nga situata e krijuar.
Postimi i plotë i tij:
Takim opozitar për një kundër përgjigje të përbashkët
Nga nesër do t’i ftojmë në një takim për të premten të gjitha partitë parlamentare e joparlametare opozitare, përfaqësues të shoqërisë civile, përfaqësues të sindikatave të ndryshme dhe të gjithë ata persona publik e jopublik që janë të interesuar që bashkarisht ta kundërshtojnë vendimin e rritjes së çmimit të rrymës. Bashkarisht, do të vendosim për hapat dhe mënyrën e kundërshtimit.
Rendi i ditës:
Diskutimi i formave të kundërshtimit të vendimit të ZRRE për rritjen e çmimit.
Të shqetësuar me vendimin e ZRRE-së ku çmimi i energjisë elektrike rritet për 100%. Pas disa javësh kundërshtimesh të propozimit të parë, aksione simbolike, konferenca e protestë të fuqishme, qeveria nuk reflektoi.
Vendimi i ri është pothuajse i njëjtë me të vjetrin. Përsëri nuk preken bizneset, dhe përsëri buxheti i republikës dëmtohet me 100 milion euro dhe po ashtu për një pjesë të madhe të qytetarëve rritet fatura në fund të muajit. Në këtë krizë energjetike, të gjithë po humbim, vetëm KEDS dhe KESCO po vazhdon fitimin.
Vendi i takimit: Hotel Grand,
Ora: 13:00,
Dita: 11 shkurt 2022
Rritja e energjisë e papranueshme. Kundërpërgjigja opozitare e domosdoshme. /InLajmi/
