Filmi “Zgjoi” nuk ka arritur të nominohet në Oscars, por sipas protagonistes së këtij filmi, Yllka Gashi përmes “Zgjoi” u shkrua histori e re për kinematografinë tonë, përcjell InLajmi.
Protagonistja e këtij filmi tha se për këtë film u punua me shumë passion e përkushtim, ndërsa kjo punë solli ‘shpërthim’ ndërkombëtarë jo vetëm në karrierat e aktorëve por edhe për promovimin e Kosovës, gjegjësisht suksesin e grave.
Gashi u shpreh e bindur që në vitet në vijim ”Zgjoi” do të bëjë histori duke u nominuar e fituar në edicionet e ardhshme të Akademisë.
Postimi i plotë i saj, pa ndërhyrje:
“Zgjoi” që e punuam me shumë pasion e përkushtim, na hapi dyer e na e mundësoi jo vetëm të kemi shpërthim ndërkombëtar në karrierat tona, por edhe ta promovojmë Kosovën e suksesin e grave të Kosovës!
“Zgjoi” na solli gëzim e na bëri krenarë të gjithëve dhe shkroi histori te re për kinematografinë tonë!
Ishte dhe mbetet rrugëtim i bukur e i paharruar, për të cilin jam shumë falenderuese!
Falemnderit shumë që u gëzuat për ne e për dashurinë e përkrahjen e jashtëzakonshme që na e keni dhënë tash e një vit!
Jam e bindur që në vitet në vijim filmi kosovar do të bëjë histori duke u nominuar e fituar në edicionet e ardhshme të Akademisë.
Kosova ka shumë talent e rrëfime autentike të cilat duhet t’i tregojmë!
Edhe njëherë falemnderit nga zemra!/InLajmi/
